Hjelmelandshallen er bygd for idrettsaktivitetar. Her samlast barn og unge til aktivitetar som byggjer opp og styrkjer kroppen.
Hjelmelandshallen vart opna i 2000.
(Foto: Bygdaposten)
Hjelmelandshallen vart opna i år 2000, og i dag er det handball og fotball som dominerer aktiviteten i hallen. Nokre helger i året er det samlingar, der fotball, handball eller volleyball blir sett i fokus.
Fredagskveldane er ungdomane i lag i foajéen for å spela, sjå på TV, høyra musikk, driva aktivitetar inne i hallen og ha det kjekt saman.
Hjelmeland Idrettslag er den største brukaren av hallen, men det er kulturkontoret i Hjelmeland kommune som administrerer bruken av Hjelmelandshallen.
Ein gjer merksam på at hallen er stengt i skulane sine feriar, inkludert juleferien.
