Marcin Wodka (i midten) vann Hjelmeland Idrettslag si badmintonturnering i Hjelmelandshallen 2. juledag. Geir Østerhus (t.v.) kom på andreplass og Ronny Mæland (t.h.) enda opp med tredjeplassen. (Foto: Morten Hetland)
Seksten mannfolk frå 14 til 64 år var i full sving under badmintonturneringa til Hjelmeland Idrettslag i Hjelmelandshallen 2. juledag. Marcin Wodka vart suveren vinnar, med Geir Østerhus og Ronny Mæland på høvesvis andre- og tredjeplass.
I finalesettet, der resultatet var 21-15, møttes Marcin Wodka og Geir Østerhus. Geir gjekk vidare til finalen etter å ha vunne mot storebror Sigbjørn i semifinalen. Ronny Mæland tapte sin semifinale mot Marcin, og enda dermed på ein tredjeplass.
Hjelmeland Idrettslag takkar for godt frammøte, og rettar ei ekstra takk til premiesponsor Enkel Bygg og Butikk.
Ola Mosnes svinger badmintonrackerten. (Foto: Morten Hetland)
Frå venstre: Ronny Mæland, Terje Thornquist og Leif Magne Kleppa drøser om badminton i pausen. (Foto: Morten Hetland)
Frå semifinalen mellom brørne Østerhus. Storebror Sigbjørn til venstre og litlebror Geir til høgre. Premiesponsor og turneringsdeltakar Leif Magne Kleppa føl nøye med på kampen. (Foto: Morten Hetland)
Geir Østerhus i finalen. Geir enda på andreplass. (Foto: Morten Hetland)
Vinnaren av badmintonturneringa, Marcin Wodka, i finalen. (Foto: Morten Hetland)
