![Jon-Viggo Andresen har eitt år bak seg som kaptein for seniorlaget til Hjelmeland Idrettslag, og held fram i dette vervet i 2013-sesongen.(Foto: Morten Hetland)](https://hjelmelandil.no//wp-content/uploads/2013/04/IMG_4157-300x209.jpg)
(Foto: Morten Hetland)
I kveld vart det 2-0-tap mot Vaulen 2 for Hjelmeland Idrettslag sitt seniorlag i fotball. Likevel ser 2013-sesongen så langt mykje lysare ut enn fjoråret.
Det var to jamne lag som møttest på Vaulenbanen fredag kveld. Ingen mål vart skåra i 1. omgang, verken av Hjelmeland eller Vaulen 2.
Etter 65 spelte minutt vart det blåst til straffe for Vaulen 2. Då Hjelmeland-målvakt Sveinung Sandvik slengde seg til venstre, fauk ballen elegant inn til høgre for han, og Stavanger-laget tok leiinga.
Elles var det ein jamn og kjedeleg 2. omgang, med unntak av ein episode som enda med at Vaulen-målvakten slo ned Hjelmeland-kaptein Jon-Viggo Andresen. Heldigvis hadde Vaulen-målvakten hanskar på seg, og Andresen var raskt oppe på beina igjen.
Kampens siste mål vart òg signert Vaulen 2 i det 90. minuttet. Sjølv ikkje fire minutt overtid var nok for Hjelmeland-spelarane, som dermed måtte reisa heim med 2-0-tap i årets første seriekamp.
![Lagbilete av dei staute spelarane som spelte i årets første seriekamp.Bak frå venstre: Marcin Wodka (spelande trenar), Harald Andresen, Marius Loktu, Jon-Viggo Andresen (kaptein), Anis Kassimi og Kristian Bjørkeland.Framme frå venstre: Christian Vanvik, John Eirik Svendsen, Sveinung Sandvik, Sondre Hovda og Endre Yong Lomeland. Eirik Fossaa spelte òg i 1. omgang, men var ikkje til stades då lagbiletet vart teke.(Foto: Morten Hetland)](https://hjelmelandil.no//wp-content/uploads/2013/04/Hjelmeland-IL-2013-menn-6.-divisjon-1024x647.jpg)
Bak frå venstre: Marcin Wodka (spelande trenar), Harald Andresen, Marius Loktu, Jon-Viggo Andresen (kaptein), Anis Kassimi og Kristian Bjørkeland.
Framme frå venstre: Christian Vanvik, John Eirik Svendsen, Sveinung Sandvik, Sondre Hovda og Endre Yong Lomeland.
Eirik Fossaa spelte òg i 1. omgang, men var ikkje til stades då lagbiletet vart teke.
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)
(Foto: Morten Hetland)